ania karon
akong itugyan
ang akong gamayng
mugna, gamayng
barutong papel,
ato kining sakyan
palayo ining kalibutan
adto kita sa langit
diin didto atong tukuron
katong atong gagmayng
mga damgo,
atong tugkaron
ang atong mga
gagmayng pangindahay
ug uban sa atong pinugas
nga mga mais
atong puslan
pagkit-kit ang mga
inanag nga init palang kaayo
gihigugma ko ikaw
ikaw kanang
nagpabiling pinitik
sa akong kasing-kasing
nasayod ka niana,
samang nasayod ka
sa matag abot ko
sa matag Sabado
alas dos sa kaadlawon
haron paulion
ag gamayng langit
nga imong gidumala
ug kanang gamayng kamaisan
nga gipugsan ta sa atong duha
ka gugma.
No comments:
Post a Comment