Sakto ka
kinahanglang karon na
dili na maayong ugma
maayong karon na
basig ulahi na unya
apan unsaon taman sayop
ang orasan nga atong giduwaan
ang orasan nga babag sa atong
mga lakang
matuod ang oras apan dili
angayan sa atong pagpakabuang
dili ko buot magduslit
sa kalayo nga mao unyay
mulitson kanako
diha sa nagbagang
bukong nga imong gihaguan
pagpangahoy
didto sa bukid sa Kantolimbong
Maong pasayluang manamilit
bisan sakit ang laknit
sa kamot sa orasan
nga ako karong gihunusan
sa iyang mga lakang
pasagdi--
pasagding mahulip
sa iyang kaugalingon
ugma damlag.
No comments:
Post a Comment