Naligo ko ganinang alas 10 sa buntag,
gipiyong ang mga mata
atubangan sa akong hugaw ug karaang "shower"
buot duwaan ang imahinasyon
nga ikaw kauban,
gihalukan ang akong pagka-ako
sama'g giulagan ang akong kalag
sa tumang kahimuot
sa hinay-hinay nga dagayday sa tubig
sa akong tabunong pamanit.
Nagdamgo na usab ako
nga kanunay nakong ginabuhat
apan kini hukad kanako
sa usa ka lamiang pasalig ug pangindahay
gipangandoy ko'g giampo pag-usab
apan ang Ginoo wala na
mupatalinghog kanako
dili na ako prinsesa nga libre sa pagdawat
sa kamot sa usa prinsipeng mipadayag
rayna na ako nga nahigot sa sugo sa akong hari.
No comments:
Post a Comment